ព្រះសីហនុ៖ ជនជាតិចិន២នាក់បានស្លាប់ក្នុងថ្លុកឈាមក្នុងហេតុការបាញ់ផ្ទុះអាវុធជាច្រើនគ្រាប់ក្នុងការស៊ីណូមួយកន្លែង ក្នុងក្រុងព្រះសីហនុ ខេត្តព្រះសីហនុ កាលពីយប់ម៉ោង១១ ថ្ងៃទី៣០ ខែកក្កដា ឆ្នាំ២០២២។
ហេតុការនេះបានកើតឡើង នៅក្នុងកាស៊ីណូតុងហ្វាងប៉ារិន (កែងមហោស្រប) តាមបណ្តោយផ្លូវលេខ២០៩ ស្ថិតក្នុងភូមិ២ សង្កាត់២ ក្រុង/ខេត្តព្រះសីហនុ។
តាមការពិនិត្យកោសល្យវិច្ច័យរបស់សមត្ថកិច្ច បានប្រាប់ជាបឋមមកថា សពជនរងគ្រោះម្នាក់ត្រូវគ្រាប់ចំនួន៤គ្រាប់ និង សពម្នាក់ទៀតត្រូវគ្រាប់ចំនួន៧គ្រាប់ បណ្តាលឲ្យស្លាប់ក្នុងថ្លុកឈាម ក្នុងកាស៊ីណូខាងលើនៅជាន់ទី៣ ។
ចំពោះមូលហេតុនៃការបាញ់សម្លាប់ជនជាតិចិនទាំង២នាក់ខាងលើនេះ សមត្ថកិច្ចជំនាញកំពុងនូវពុំទាន់អាចបញ្ជាក់ប្រាប់ថា បណ្តាលមកពីមូលហេតុអ្វីនៅឡើយទេ ដោយស្ថិតក្នុងការស្រាវជ្រាវបន្ត ។
បច្ចុប្បន្នក្រោយពេលកើតហេតុភ្លាមៗនោះ សមត្ថកិច្ចក៏បានឃាត់ខ្លួនជនជាតិខ្មែរ និងចិនជាង១០នាក់ ដែលសង្ស័យពាក់ព័ន្ធនិងដឹងរឿងយកទៅសួនាំនៅស្នងការនគរបាលខេត្តព្រះសីហនុផងដែរ៕
